4 სექტემბერს, საღამოს 8 საათზე, ბათუმში, რესტორან ”სან-რემოში”  დათო არჩვაძე, დათო კიკაბიძე და თეატრალურის კვარტეტი ქალაქური სიმღერის საღამოზე ეპატიჟება ყველას.
საღამოზე შესრულდება არა მხოლოდ ძველი, ყველასთვის ცნობილი და საყვარელი სიმღერები, მოხდება ასევე ახალი სიმღერების პრემიერაც.

12- 19 სექტემბერს ბათუმში ბათუმის ხელოვანთა სახლ ”არგანის” ორგანიზებით, მეხუთე საერთაშორისო საავტორო კინოფესტივალი გაიმართება. ფესტივალის ოფიციალური პარტნიორი ქ. ბათუმის მერიაა.

2010 წლის კინოფესტივალზე ძირითად პროგრამაში წარმოდგენილი იქნება დაახლოებით 45 ფილმი, ასევე დამატებით 30 მოკლემეტრაჟიანი ფილმიახალგაზრდული კინოს საკონკურსო სექციაში. მოწვეული იქნებიან სტუმრები ევროპიდან, პოსტ-საბჭოთა სივრციდან და აზიიდან.

21-25 აგვისტოს, მესტიაში  ”მსოფლიო მუსიკის ფესტივალი” გაიმართება. ფესტივალი  ინტერკულტურულია და მასში მონაწილეობენ ხელოვანები (მუსიკოსები და ფოტოგრაფები) საქართველოდან („ზუმბალენდი“, „ჩვენებურები“, ”რეგიონი”,“რიჰო“, „ლატალი“), თურქეთიდან (ბაიარ შაჰინ-გუნდარიძის ბენდი), სომხეთიდან (Crossroads Blues Band), ესტონეთიდან (ჯგუფი “Musicians from Estonia“), ლიტვიდან (ჯგუფი „Inculto“). 

პროექტი  ტრადიციული და თანამედროვე მუსიკის (ეთნო–ჯაზი, ფოლკ–როკი, ) და ფოტოხელოვნების სინთეზსს  ითვალისწინებს. სამუშაო პროცესი განხორციელდება ღია სივრცეში. მასზე დასწრება თავისუფალი იქნება ნებისმიერი მსურველისათვის მთელი ფესტივალის განმავლობაში.